2021 عام استكشاف الفضاء

 

سنة 2021 تعتبر من السنيين المهمه في مجال استكشاف الفضاء بسبب كم الرحلات اللي هيتم اطلاقها و اختبارها و هيتم فيها تطوير طرق الاستكشاف، و الرحلات الفضائيه دي متنوعيه بين مركبات الهبوط الروبوتية والجوالات، بالإضافة إلى التلسكوبات وسفن الفضاء المأهولة و الغير مأهوله، لاكتشاف القمر والمريخ والنظام الشمسي البعيد، وحتى مراحل الكون المبكره. و العلماء هيجمعوا المعلومات للإجابة علي اسئله كتير منها اسئله عن نشأة الكون و إمكانية وجود حياة خارج كوكبنا الأزرق.

الي القمر

في اخر سبع سنيين هبطت الصين بسفنها الفضائية ثلاث مرات على سطح القمر، في حين أن ناسا لم تزور القمر من عام 1972 اللي هو عام هبوط اخر بعثات أبوللو، واعتمدت ناسا في العقد الأخير على الشركات الخاصة لبناء وتشغيل السفن الفضائية اللي ممكن تنقل الحمولات والبشر إلى المحطة الفضائية الدولية.

ناسا حاطه هدف أساسي قدامها و هو ارسال رواد فضاء الي القمر تاني في خلال ال 10 سنيين اللي جايين و بتخطط لأطلاق رحلة تجريبيه غير مأهوله لنظام الإقلاع الفضائي (إس إل إس) اللي صممته لأطلاق رحلات في الفضاء العميق و النظام ده واجه حالات تأجيل كتير و اختبارات كتيره اخرها كان في سبتمبر اللي فات و كل ده بهدف اطلاق رحلة (ارتميس-1) اللي من المفترض انها هترسل معاها الكبسوله أوريون المخصصة لرواد الفضاء عشان تدور حول القمر وترجع، و هيتم تنفيذ الرحلة التجريبية دي في نوفمبر القادم.

أقرأ ايضا: سبيس اكس و الاستعداد لاطلاق رواد فضاء

موعد مع المريخ

لو تفتكر الصيف اللي فات طلعت كذا بعثه فضائيه للمريخ و اللي اطلقهم كان كلا من الإمارات العربية المتحدة والصين والولايات المتحدة و الرحلات دي هما:

مسبار الأمل: و هو أول البعثات اللي هتوصل للمريخ واللي يعتبر أول مسبار ترسله دولة عربية إلى الفضاء العميق في إطار برنامج فضائي صغير ولكنه طموح. و من المخطط ليه في هذه البعثة دراسة الغلاف الجوي للمريخ وجمع بيانات قيمة للعلماء الموجودين على الأرض، ومن المتوقع أن يصل المسبار إلى وجهته في السادس من فبراير القادم.

مغامرة صينية: أما البعثة الصينية (تيانوين-1)، فالمفروض أنها توصل إلى الكوكب الأحمر في العاشر من فبراير، وبعد إتمام دورة واحدة حوله، هترسل سفينة هبوط بتضم عربة جوالة إلى سطحه في مايو القادم.

عربة ناسا: بعدها بكام يوم وتحديداً في الثامن عشر من فبراير، تصل عربة (بيرسفيرانس) الجوالة التابعة للوكالة وتهبط على سطح المريخ. وفي حالة نجاحها هتقدر العربه تبحث عن اثار لحياه سابقه علي الكوكب و كمان إمكانية جمع و تخزين عينات من التربه داخل العربه و استرجعها في المستقبل. وكمان هيتم اطلاق طائره هليكوبتر صغيره اسمها (إنجنويتي) في مهمة خاصة كأول رحلة جوية في أجواء كوكب آخر.

أقرأ ايضا: سر استكشاف المريخ

استكشاف الكون

من اهم البعثات اللي هتشهدها الدوائر العلمية السنه دي واللي انتظرناها كتير اوي هي إطلاق مرصد جايمس ويب الفضائي
(James Webb Space Telescope) اللي هيبقي البديل لمرصد هابل، و اتأجلت البعثة دي لسنوات بسبب مشاكل تقنية والتكاليف الكتير ولكن ناسا ورواد الفضاء والعلماء و كل محبين الفلك حول العالم مستنيين اطلاقها في نهاية أكتوبر القادم، و حددت الوكالة المعاد البعيد ده للإطلاق بسبب فيروس كورونا وغيره من المشاكل اللي سببت المزيد من التأجيل في البرنامج المقرر.

من المهمات الي ناسا مخططه ليها هي (The Double Asteroid Redirection Test Spacecraft )
واللي هتنطلق في يوليو القادم، و اللي هدفها اختبار إذا كانت السفن الفضائية قادره على تغيير وجهة كويكب يتجه نحو الأرض.

لإتمام مهمتها هتزور السفينة كويكبي (ديديموس) القريبين من الأرض واللي بيدوروا حول الشمس، على أن تحاول الاصطدام بالكويكب الأصغر لتغير مساره.

و كمان من المهمات اللي ناسا هترسلها في أكتوبر القادم و هتسافر مسافة أبعد بكثير هي السفينه الفضائيه (Lucy) و من المخطط ليها انها تدور في مسار مداري حوالين كوكب المشتري و هتقوم بدراسة كويكبات طروادة اللي بتدور في مدار المشتري نفسه ولكن على مسافة مئات ملايين الأميال وهي ثابته في مكانها بسبب جاذبيته القوية. ويعتقد العلماء أن الصخور الفضائية دي ممكن تساعد في كشف أسرار تكوين الكواكب الخارجية في المجموعة الشمسية.